Skip to main content

ഫ്രീക്കൻ കോഴ്സ്

തൊഴിൽ ഒന്നുമില്ലാതെ ഇങ്ങനെ ഇരിക്കുമ്പോളാണ് പത്രത്തിന്റെ കൂടെ വന്ന ഒരു നോട്ടീസ് അവൻ കണ്ടത്.

                           *               *                     *                     *                      *

ഫ്രീക്കൻ കോഴ്സ് 

വെറും 30 ദിവസം കൊണ്ട് ഫെയ്സ്ബുക്ക് ഫ്രീക്കൻ ആകാൻ ഞങ്ങൾ അവതരിപ്പിക്കുന്ന ഹ്രസ്വകാല കോഴ്സ്.
ഈ കോഴ്സ് താഴെ പറഞ്ഞിരിക്കുന്നത് പോലെ 3 ആയി തരം തിരിച്ചിരിക്കുന്നു.

1.മുഖ ചിത്രം ആതായത് പ്രൊഫൈൽ ഫോട്ടോ .
  • നിങ്ങളുടെ ഫ്രീക്കൻ ഭാവി തീരുമാനിക്കുന്നത് മുഖ ചിത്രം ആണ്.
  • മുഖ ചിത്രം എടുക്കേണ്ട ആങ്കിളുകൾ , ഉപയോഗിക്കേണ്ട കൂളിംഗ്‌ ഗ്ലാസ്സുകൾ.
  • ഉപയോഗിക്കേണ്ട കൈ ചിഹ്നങ്ങൾ / എപ്പോഴെല്ലാം നാക്ക് പുറത്തിടണം.
  • എഡിറ്റ്‌ ചെയ്യുമ്പോൾ ഉപയോഗിക്കേണ്ട കളറുകൾ / എങ്ങനെ മുഖത്തെ വൃത്തികേട്‌ മാറ്റാം.
  • പരമാവധി ഇഷ്ടങ്ങൾ (ലൈക്‌ ) ലഭിക്കാൻ മുഖ ചിത്രം ഇടേണ്ട സമയങ്ങൾ.
  • ഒറ്റച്ചിത്രം (സെല്ഫീ) എടുക്കാനുള്ള നിർദേശങ്ങൾ.
2 . അവസ്ഥ അറിയിക്കൽ (സ്റ്റാറ്റസ് അപ്ഡേറ്റ് )
  • എപ്പോഴെല്ലാം നിങ്ങളുടെ  അവസ്ഥ അറിയിക്കാം.
  • അവസ്ഥ അറിയിക്കുമ്പോൾ കൂടെ കെട്ടാവുന്ന (ടാഗ് ) കൂട്ടുകാരുടെ എണ്ണം പരിമിധി.
  • നിങ്ങൾ പണിയൊന്നുമില്ലാതെ വെറുതെ കുത്തിയിരിപ്പ് ആണെങ്കിലും ഇടക്കൊക്കെ 'ഞാൻ എയർപോർട്ട് ൽ' എന്ന് അവസ്ഥ അറിയിക്കുക.കമന്റുകൾ ആകർഷിക്കാൻ ഇതിലും നല്ലൊരു മാർഗം ഇല്ല. പണിയൊന്നും ഇല്ലാത്ത നിങ്ങൾ എവിടെ പോകുന്നു എന്നറിയാൻ എല്ലാവർക്കും താല്പര്യം കാണും.
3. ആംഗലേയ ഭാഷ ഉപയോഗിക്കേണ്ട രീതി.
  • ഫേസ്ബുക്ക് ഇലെ ഫ്രീക്കൻമാര്ക്ക് വേണ്ടി ഞങ്ങൾ പ്രത്യേകം തയ്യാറാക്കിയ ആംഗലേയ നിഖണ്ടു.
  • ആംഗലേയ ഭാഷയിലെ ഓരോ വാക്കും ഞങ്ങൾ ഫ്രീക്കൻ കോഴ്സ്നു വേണ്ടി ഞങ്ങൾ പുനരാവിഷ്കരിച്ചിട്ടുണ്ട്.
    • ഉദാഹരണത്തിന്,
      • ആംഗലേയം                ഫ്രീക്കൻ ആംഗലേയം 
     Days------------------------- DayZzZz 
     Sweet Dreams     -------ChwEat DreAmZzZ 

ഈ കോഴ്സ് നു ചേരാനായി 1500 രൂപ ബാങ്കിൽ അടച്ച ചലാൻ ഞങ്ങളുടെ ഫെയ്സ്ബുക് വാളിൽ ഒട്ടിക്കുക . ഞങ്ങൾ നിങ്ങളുമായി ബന്ധപ്പെടുന്നതാണ്.

പങ്കെടുക്കൂ. നാളത്തെ ഫ്രീക്കൻ ആകൂ.

                                           *          *          *        *             *                * 

നോട്ടീസ് എടുത്തു മേശപ്പുറത്ത് വെച്ചിട്ട്‌ അവൻ നേരെ ബാങ്കിലേക്ക് വെച്ചുപിടിച്ചു.


Comments

Post a Comment

Popular posts from this blog

മദ്യനിരോധനം

 എന്നെ തല്ലണ്ടമ്മാവാ, ഞാൻ നന്നാവൂല്ല എന്നു പറയുന്ന മലയാളിയോട് തന്നെ വേണം ഈ ചെയ്ത്ത് .കേരളത്തിലെ കുടിയന്മാരെയെല്ലാം നന്നാക്കുവാൻ വേണ്ടിയുള്ള പുതിയ നടപടി.  ബാറുകൾ ഒക്കെ അടച്ചതിനു ശേഷം കേരളത്തിലെ സഹോദരിമാർക്ക് ഇനി സമാധാനം ഉണ്ടാവില്ല  എന്നു ഒരു  ' പ്രമുഘൻ ' പറഞ്ഞപ്പോളാണ് സർക്കാർ 100 ബിവറേജസ് കൌണ്ടർ കൂടി സർക്കാർ തുറന്നത്. 'പ്രമുഖന്ടെ ' അഭിപ്രായം സർക്കാർ മാനിച്ചു. ബാറുകൾ എല്ലാം ബിയർ പാർലറുകൾ ആക്കി. നല്ല കട്ട XXX റം അടിച്ചോണ്ടിരുന്നവനോക്കെ ബാറിൽ പോയി ബിയർ അടിച്ചാൽ മരുന്നിനു പോലും തികയാത്ത അവസ്ഥ. ബംഗാളികൾ പണി അന്വേഷിച് കേരളത്തിലേക്ക് വന്നപ്പോൾ നമ്മൾ ബാർ അന്വേഷിച്ചു അന്യ സംസ്ഥാനങ്ങളിലേക്ക് ചേക്കേറുന്നു. കേരളത്തിലെ മദ്യനിരോധനം ഒറ്റ വാചകത്തിൽ ഇങ്ങനെ പറയാം. മദ്യനിരോധനത്തിന്റെ ഭാഗമായി സർക്കാർ ബാറുകൾ എല്ലാം അടച്ചു 100 ബിവറേജസ് കൌണ്ടറുകൾ കൂടി തുറന്നു. മദ്യനിരോധനം ആണത്രേ. മദ്യനിരോധനം.
Post a Comment
Read more

സമരം

കോളേജിൽ ഇന്ന് പരീക്ഷ ആയിരുന്നു.പല കോളേജിൽ നിന്നും വിദ്യാർഥികൾ ഉണ്ട്. പരീക്ഷ തുടങ്ങാറായി. അപ്പോളാണ് അത് സംഭവിച്ചത്. പരീക്ഷാ ചോദ്യക്കടലാസ് തീർന്നു പോയി. കുട്ടികൾ ആകെ പരിഭ്രാന്തരായി, പിന്നീട് പ്രകോപിതരായി. ചോദ്യക്കടലാസ് കിട്ടാത്തവരൊക്കെ പരീക്ഷ ഹാളിൽ നിന്നും ഇറങ്ങി. മുന്പ് കണ്ട് പരിചയമില്ലാത്തവരൊക്കെ ഒറ്റക്കെട്ടായി .എല്ലാവരും ഒരുമിച്ച് ആകെ ബഹളം ആക്കി. " We want justice. We want justice ." എന്ന് അവർ ആക്രോശിക്കാൻ തുടങ്ങി. മണിക്കൂറുകൾ ഇത് ചെയ്തിട്ടും സഖാക്കള്ക്ക് ചോദ്യക്കടലാസ് കിട്ടിയില്ല. ഇതെല്ലാം കണ്ടുനിന്ന അവൻ വിചാരിച്ചു. " We want justice. We want justice ." എന്ന് നിലവിളിച്ച നേരത്ത് " We want question paper " എന്ന് പറഞ്ഞിരുന്നെങ്കിൽ അതെങ്കിലും കിട്ടിയേനെ. ജസ്റ്റിസ്‌  അന്വേഷിച്ചു പോയ സാറന്മാരുടെ പൊടി പോലും പിന്നെ കണ്ടില്ല.
Post a Comment
Read more

പലരിൽ ഒരാൾ

കൂട്ടുകാരുടെ കയ്യിലും കാലിലുമെല്ലാം പിടയ്ക്കുന്ന പേശികൾ കണ്ടപ്പോൾ അവനു കൊതി മൂത്തു. എനിക്കും ഇങ്ങനത്തെ പേശികൾ സങ്കടിപ്പിക്കണല്ലോ എന്ന് അവൻ മനസ്സിൽ ഉറപ്പിച്ചു. ഇവന്മാരെയൊക്കെ പെണ്ണുങ്ങൾ നോക്കുനത് കാണണം.  ഹോ...പടച്ചോനെ... അതുകണ്ടിട്ട് അവന്മാരുടെ നടത്തത്തിന്റെ രീതിയും മാറും, ഒരുമാതിരി മസ്സിൽ കച്ചവടക്കരെപ്പോലെ. നെഞ്ചും വിരിചോണ്ട് . വിൽക്കാനുള്ള മസ്സിൽ ഒക്കെ നെഞ്ചത്ത്‌ കെട്ടിവെചിരിക്കുനത് പോലെ. 'നോക്കിക്കോടാ മക്കളേ , ഞാനും കാണിച്ചുതരാം.' മനസ്സിൽ വെല്ലുവിളിച്ചുകൊണ്ട് അവൻ കൊളെജീന്നു ഇറങ്ങിപ്പോയി. നേരെ പോയത് വീടിനു അടുത്തുള്ള മസ്സിൽ പെരുപ്പിക്കുന്ന സ്ഥലത്തേക്കാണ്‌.. .പൈസ ഒക്കെ അടച്ച് അവൻ പണി തുടങ്ങി. നിക്കറു കീറുന്ന രീതിയിലുള്ള പണികൾ. കോളേജിലെ മസ്സിൽ കച്ചവടക്കാരെ മനസ്സിൽ ആലോചിക്കുമ്പോളെല്ലാം  അവന്റെ പേശികൾ വാശിയോടെ ഒരു ഇഞ്ച്‌ പുറത്തേക്ക് വന്നുകൊണ്ടിരുന്നു. പണിയൊക്കെ കഴിഞ്ഞ് വീട്ടിൽ എത്തിയാൽ പ്രധാന കർമം അമ്മ ഭക്ഷണംകൊണ്ട് നിറച്ചുവെചിരിക്കുന്ന  പാത്രങ്ങളൊക്കെ കാലിയാക്കലാണ്. അമ്മയുടെ ദയനീയ മുഖം കാണുമ്പോൾ ഇച്ചിരി അച്ഛനും അമ്മയ്ക്കും വെക്കാൻ അവന്റെ മനസ്സ് അവനോടു മന്ത്രിക്കും.
Post a Comment
Read more