ദേ പോയി ....ദാ വന്നു ....

തലക്കെട്ട്‌  പോലെ തന്നെയാണ് അവന്ടെ  പ്രണയ ജീവിതം ...

കഥയിലെ നായകനാണ് 'അവൻ'. കഥയിലെ നായിക 'അവൾ '.
അവനെക്കാളും  ഉറപ്പായിരുന്നു അവൾക്ക് , അവരുടെ സ്നേഹബന്ധത്തെക്കുറിച് .കാരണം അവൾ ഹിന്ദുവും   അവൻ ക്രിസ്ത്യാനിയും ആയിരുന്നു. ജാതിത്തർക്കങ്ങൾ അവരുടെ ബന്ധത്തെ അലട്ടുമോ എന്ന് അവൻ ശങ്കിച്ചിരുന്നു .
 അവർ കോളേജിൽ വച്ച് കണ്ടുമുട്ടി , അവൻ ശരിക്കും ഒന്ന് മുട്ടി . ആദ്യ കാഴ്ചൽത്തന്നെ പ്രണയം ഉണ്ടായില്ല . എന്നാൽ കാഴ്ചകൾ കൂടിയപ്പോൾ അവൻ അവളെ വളച്ചു .
അവനെ അങ്ങനെ നിസ്സാരനായി കാണണ്ട. പതിനാറു ചെക്കന്മാർ പ്രൊപോസ്‌  ചെയ്തിട്ടും വീഴാത്ത  അവളെ ആണ് അവൻ അവന്ടെ പ്രണയവലയിൽ  കുടുക്കിയത്.
ഏതായാലും അവരുടെ പ്രണയം പടർന്നു പന്തലിച്ചു .
ചിരിയായി , സല്ലാപമായി , പല പല സമ്മാനങ്ങൾ  കൈമാറി ..
ഒന്നും പറയണ്ട. സംഭവബഹുലമായിരുന്നു അവരുടെ കോളേജ് പ്രണയം.
അവൾക്ക്  ഒരു ബെസ്റ്റ് ഫ്രണ്ട് ഉണ്ടായിരുന്നു . ആ ഫ്രണ്ട് നെ  അവനു കണ്ണെടുത്താൽ  കണ്ടൂടാരുന്നു . കാണാൻ ഗ്ലാമർ ഒന്നും ഇല്ലേലും കോഴിമുട്ട പോലത്തെ മസ്സിൽ അവന്റെ ദേഹത്ത്  പലയിടത്തായി ഉണ്ടാരുന്നു .
ആ ഫ്രണ്ട്  എപ്പോ വേണേലും വില്ലൻ  ആവാനുള്ള സാദ്ധ്യത  അവൻ തള്ളിക്കളഞ്ഞില്ല .
അവന്റെയും അവളുടെയും പ്രണയത്തിൽ കൊച്ചുകൊച്ചു ഇണക്കങ്ങളും വളരെ വല്യ വല്യ പിണക്കങ്ങളും  ഉണ്ടാരുന്നു .
എന്നാലും എപ്പോളും വഴക്ക്  ഉണ്ടായാലും അവൻ അതിന്റെ കുറ്റം ഏറ്റെടുക്കും .അല്ലെങ്കിൽ കൊഴിമുട്ടക്കാരൻ എങ്ങാനും സീനിൽ വന്നാലോ  എന്ന് അവൻ ഭയപ്പെട്ടിരുന്നു .
അങ്ങനെ കുറ്റങ്ങൾ ഏറ്റെടുത്തു ഏറ്റെടുത്തു അവൻ ആയി അവളുടെ കണ്ണിലെ വില്ലൻ .
അവൻ ആണ് എല്ലാ പ്രശ്നത്തിനും കാരണം എന്ന് അവൾ മൊഴിഞ്ഞു .
പണി പാലുംവെള്ളത്തിൽ  കിട്ടിയ അവസ്ഥ ആയി അവന് .

വർഷങ്ങൾ കഴിഞ്ഞു .

അങ്ങനെ ആ കോളേജിലെ അവന്റെ  പഠിത്തം കഴിഞ്ഞു .

അവൾക്ക്  ഇനിയും ഒരു വർഷം  കൂടി. അവനു അവളെ ആ കോളേജിൽ  ഒറ്റക്കാക്കി പോകാൻ  അവനു മടി . പണി പാളിയാലോ .
പക്ഷെ അവസാനം അവനു വേറെ നിർവാഹം ഇല്ലാത്തത്കൊണ്ട്  അവൻ ആ കോളേജ് ഇനോട് യാത്ര പറഞ്ഞു.

അവൻ പ്രതീക്ഷിച്ചതുപോലെ തന്നെ .. പണി വീണ്ടും പാലുംവെള്ളത്തിൽ .

അവൾ അവനെ വീണ്ടും ബന്ധപ്പെടാൻ  ചെയ്യാൻ മുതിർന്നില്ല . അവൻ അവളെ നിരന്തരം ബന്ധപ്പെടാൻ ശ്രമിച്ചു.
പ്രണയത്തിന്റെ മനശാസ്ത്രം  അനുസരിച് പെണ്‍കുട്ടിയെ ആണ്‍കുട്ടി ബന്ധപ്പെടാൻ ശ്രമിക്കുമ്പോൾ പെണ്‍കുട്ടി അത് പലതവണയായി കൂട്ടാക്കതിരുന്നാൽ  പണി കിട്ടി കിട്ടി എന്ന് തന്നെ ആണ്‍കുട്ടിക്ക് കണക്കുകൂട്ടാം . ചുരുക്കിപ്പറഞ്ഞാൽ അവള്ടെ  മൊബൈലിൽ അവന്റെ validity   തീർന്നു എന്ന് .

അങ്ങനെ ആ വിഷമത്തിൽ അവൻ ദിവസങ്ങൾ തള്ളിനീക്കി.

ഒരു ദിവസം അവിചാരിതമായി അവൻ മറ്റൊരു പെണ്‍കുട്ടിയെ കാണാൻ ഇടയായി .അവന്റെ മനസ്സില് കോഴിമുട്ട  പോലുള്ള  അഞ്ചാറു ലഡ്ഡു പൊട്ടി. കഴിഞ്ഞതവണ പോലെയല്ല. ഇത് ലവ് അറ്റ്‌ ഫസ്റ്റ് സൈറ്റ്  തന്നെ .

അങ്ങനെ അവിടെ പുതിയ പ്രണയം പൂത്തുലഞ്ഞു .

അവന്റെ പ്രണയജീവിതം അങ്ങനെ ആണ് .

ദേ  ഒരെണ്ണം പോയി . ദാ  അടുത്തത് വന്നു ......